موضوع: الحياه مش بتوقف عند حد...... الجمعة سبتمبر 19, 2008 4:18 pm
الجملة دي بسمعها بتتقال كتير من أشخاص كتير و فـ مواقف مختلفة..
ممكن تسمعها في لحظة مواساة.. لما يجي حد يواسيك يقولك: (( ياعم ماتزعلش أوووي كده..الحياة مابتوقفش على حد ))
وممكن تسمع شخص بيقولها في لحظة لا مبالاة: (( وإيه يعني إللي يحصل يحصل..الحياة مابتوقفش على حد ))
وممكن نسمعها في مواقف كتير: (( الحياة مابتوقفش على حد..هو أنا يعني هموت من غيره ما أنا عايش آهو )) !
بس أنا حاسة إن الجملة دي مالهاش أي أساس من الحقيقة وإن إحنا بنقولها بس عشان نصبر بيها نفسنا
بس الحقيقة فعلا إن حياتنا ممكن أوووي توقف على حد
أقرب أمثلة من الواقع..
لما تحس إن حياتك وقفت على إنسان غالي عليك فارقك لما تحس إن حياتك وقفت على إنسان غالي عليك إتوفى لما تحس إن حياتك وقفت على إنسان غالي عليك خسرته في لحظة لأي سبب لما تحس إن حياتك وقفت على إنسان غالي عليك خايف تخسره أو تفقده لأي سبب لما تحس إن حياتك وقفت على إنسان غالي عليك باعك أو خدعك لما تحس إن حياتك وقفت على إنسان غالي عليك بعيد عنك لما تحس إن حياتك وقفت على إنسان غالي عليك مريض جدا وخايف يموت
لما تحس إن حياتك وقفت على إنسان بتحبه على أخ بتخاف عليه على صديق بتحتاجله على أب وأم نفسك تساعدهم وتسعدهم
.......... وغيره وغيره وغيره كتيرررررر
هيجي واحد يقولي: (( لا طبعا حياتي ماوقفتش على أي حد فيهم لأني لسه عايش ماموتش ))
هاقول له: (( هو معنى إن أنت عايش بس في حاجة مكسورة جواك أو مفتقدها بسبب حد معين.. إن حياتك كده ماشية ؟!!! ))
هي إيه حياتك أصلا..
عقارب الساعة إللي بتمشي وبيزيد عمرك فيها مع كل دقيقة؟ ولا إحساسك إللي بيمشي وبتحس بأيامى فيها مع كل إحساس؟
تخيل بقى لما عمرك يمشي واقف على حد.. هل معنى كده إن حياتك ماشية لمجرد إنك عايش وبس؟
امممممممم ما أفتكرش بصراحة
هو ممكن حياتك تكون شغالة ومستقبلك شغال وناجح كمان بس إحساسك نفسه واقف على حد
ولو إحساسك واقف على حد..أكيد حياتك هتكون واقفة معنويا حتى لو كانت ماشية عمليا وبكده ممكن نصحح الجملة دي ونقول: (( الحياة مابتوقفش على حد عمليا..لكن بتوقف على حد معنويا))
مما اعجبني..
على كمال مدير عام الموقع
عدد الرسائل : 187 العمر : 38 تاريخ التسجيل : 11/09/2008
موضوع: رد: الحياه مش بتوقف عند حد...... الجمعة سبتمبر 19, 2008 8:22 pm
مش عارف اقولك ايه علطول مواضيعك جميله ومفيده
وانا بأيد رايك
شكراا على مجهودك الكبير
تحياتى
على كمال مدير عام الموقع
عدد الرسائل : 187 العمر : 38 تاريخ التسجيل : 11/09/2008
موضوع: رد: الحياه مش بتوقف عند حد...... الجمعة سبتمبر 19, 2008 8:23 pm
مش عارف اقولك ايه علطول مواضيعك جميله ومفيده
وانا بأيد رايك
شكراا على مجهودك الكبير
تحياتى
محمد يوسف مدير الموقع
عدد الرسائل : 128 العمر : 37 تاريخ التسجيل : 12/09/2008
موضوع: رد: الحياه مش بتوقف عند حد...... السبت سبتمبر 20, 2008 9:44 pm
بجد موضوعك جميل
بس انا ليه وجه نظر مختلفة الحياة ما بتقفش علي حد عمليا
وبتقف علي حد معنويا لفترة معينة
شكراااااااااااااا ياسو
so cute مدير الموقع
عدد الرسائل : 84 تاريخ التسجيل : 12/09/2008
موضوع: رد: الحياه مش بتوقف عند حد...... الثلاثاء سبتمبر 23, 2008 3:02 pm
لما تحس إن حياتك وقفت على إنسان غالي عليك خسرته في لحظة لأي سبب
فعلا ممكن الحياه توقف شويه بس لفتره وبعد كده لازم نسترجع قوتنا علشان الحياه تمشى وبعدين ربنا عطنا نعمه النسيان اكيد علشان حياتنا متوقفش على حاجه معينه
وشكرا لمروركم
malk alb maat
عدد الرسائل : 4 العمر : 36 تاريخ التسجيل : 23/09/2008
موضوع: رد: الحياه مش بتوقف عند حد...... الخميس سبتمبر 25, 2008 12:43 pm
نا بجد مش عارفة قولك اية ع الموضوع دة لانة جة ع الوجيعة انا عندى بقى الحياة وقفت معنويا وعمليا لانة كان كل حاجة ف حياتى اة النسيان نعمة بس مش بتيجى بسهولة لان كل حاجة بعملها بيكون فيها نفسة كل حاجة بعملها بيبقى معاية تفتكر ان ممكن انسا بسهولة بس البيتقال ربنا يقوينا ع الايام زى مقويت علينا
rae2 yahwa
عدد الرسائل : 29 تاريخ التسجيل : 22/09/2008
موضوع: رد: الحياه مش بتوقف عند حد...... الجمعة سبتمبر 26, 2008 5:00 pm
سو انا مع ردك مش مع الموضوع نفسه لان ممكن الحياه توقف معنويا وعمليا بس لفتره او اي واحده سواء عمليا او معنويا بس زي مقولتي ربنا مدينا نعمه النسيان واحنا اللي نقدر نتحكم في حياتنا ولا زم الواحد يقوي نفسه عشان يقدر يعيش واللي راح مبيرجعش واكيد فيه اللي احسن منه
املك قلب مات دي شكلها هتفضل مهوما كده طول عمرها لانها مبتبصش حواليها ومش عايزه غيره هو لو عايزها كان كمل معاها بس هي مش قادره تفهم انه ميستهلش
شكررررررررررررررررررررررررررررا ومتزعليش ياملك دي الحقيقه وانا بقول كده لمصلحتك
heba مدير الموقع
عدد الرسائل : 57 تاريخ التسجيل : 15/09/2008
موضوع: رد: الحياه مش بتوقف عند حد...... السبت سبتمبر 27, 2008 2:06 am
موضوع جميل جدا اليوم على المستوى العام موضوعات تحفه شكرا لكى