بيت العيله؟؟؟؟؟؟

كل سنه اونتو طيبين

هدخل فى الموضع على طول

بيت العيله

ايه رأيكو فى الكلمه دى؟؟؟؟؟؟؟؟

يعنى انت كشاب اهو عايز تتجوز

هل تفضل تسكن مع اهلك فى نفس البيت

يعنى ممكن تكون نفس الشقه

او شقه معاهم فى نفس البيت

او شقه فى عماره جنبهم

المهم يعنى هتبقى قريب منهم جدااااااااااا

وطبعا ده هيخلى حياتك مش لزوجتك وبس

لا هتكون مقسومه بينها وبين اهلك طبعا

اللى تعبو فيك ومحتاجينك لما يكبرو تساعدهم تونسهم يعيشو مع احفادك وانت عارف ان اعز الولد ولد الولد

وكمان مشكله بقى لو واحد بس هو اللى باقى يعنى الاب او الام توفاها الله يعنى الطرف الاخر عايش لوحده تماااااااااما فى البيت

هل تفضل تكون جنبه فى اى مكان زى ماقولت قبل كده

ولا انك تسكن بعيد خوفا من حدوث مشاكل بين مراتك وأحد او والديك الاثنين

وانتى كمان ايه رأيك لو تقدملك شاب هتعيشى مع اهله بردو فى وضع زى ماقولت

( نفس الشقه _ نفس البيت _ نفس المنطقه _ ........ )

هل ترفضى وتخافى من حماتك وانها تكون مش كويسه وتعاملك وحش

ولا هتبصى للموضوع على انه دى مامته اللى خلفته وربته وخليته راجل اتجوزنى الان

ونفس الشئ بالنسبه لحماكى هتعمل ايه لو طلب من حاجات فوق طاقتك وطلبات مستفذه وحاجات غصب عنه

لانه مش قادر يعملها لكبر سنه هتعملى ايه

هل هتوافقى عشان ظروفه ولا ترفضى

ولو وافقتى وحصل لا قدر الله كده هتعملى ايه هتستحملى ولا ؟؟؟؟

اسئله محيره اوى

بس والله العظيم بجد انا امامى امثله ماشاء الله بجد ربنا يديم عليهم نعمه التفاهم والحب ده

الام بتعمل مرات ابنها بجد مش قادره اقول غير بسم الله ماشاء الله

ربنا يرزقنى ويرزقكو كلكو حموات كده بجد منتهى الطيبه والله العظيم بفرح

وللأسف فى امثله تانيه اعوذ بالله

اسئله كمان للامهات ليه تعاندى مرات ابنك ليه مش بتحبيها

والله العظيم لو حبتيها هتكون الحياه جميله جداااااا بينكو ومنتهى السعاده ربنا يديمها على اللى عايشينها بجد

لو العكس بجد حسابك عند ربنا عسيييييييير وربنا يهدى يااااااارب كل الحموات

وبردو الرجاله اللى بيعاملو مرات الابن كده

وكمان بقى تخيلى لو فى العماره دى ساكن اخو ومراته وعياله والحياه بقى عيله عيله زى ماقولت

هتعملى ايه هل ترفضى من الاول

ولا تعرفى الناس كويس ولا تجربى

ولو عرفتيهم وبان انهم كويسين هتعملى ايه لو حصل العكس بعد الجواز

وربنا يسترها علينا بجد ويارب وفقنا ونورلنا الطريق بصلاه الاستخاره

ومش هاجى وبس على اهل الزوج لا اهل الزوجه كمان

حسنى معاملاتك وحسن معاملتك مع زوج بنتك عشان بكده هيشيلها فوق راسه

وربنا يهدى الجميع

عايزه اشوف رأيكو فى بيت العيله وجنته او ناره اعوذ بالله

وفى تصويت موافق ؟ معرض ؟ مش فارق؟

ورمضان كريم