اللى يضربك اضربه ولا.....؟؟؟؟

موضوع المرة دي هيبقى مناقشة جانب مهم أوي من جوانب تربية الأبناء

وبيبقى عليه اختلاف كبير بين كل فرد والتاني بين الأب والأم وبين أسرة وأسرة

وهناقش الموضوع بمثال لما يجي أخوك من المدرسة أو ابنك في المستقبل باذن الله

ويقولك يا بابا أو يا ماما فلان ضربني

بيبقى السؤال التالي من الأب أو الأم وانت عملت ايه يقول مفيش ..

يرد الأب أو ترد الأم وتقول مش احنا قلنا اللي يضربك تضربه ..


ده موقف وبيحصل بنسبة 99.5 % بين الوالدين وأولادهم


الموقف التاني أخ ضرب أخوه راح أخوه ضربه قلبت بخناقه تيجي الأم أو يجي الأب ويسأل حصل ايه

يقولوه أخويا ضربني يرد الأب ويقول قوله الله يسامحك علشان تبقى أحسن منه

يقول الولد مش انتو قلتوا ليا اللي يضربك اضربه ؟؟


موقفين متشابهين ولكن ردود الفعل بتختلف في الموقفين من رد الوالدين

وبيشكل ازدواجية عند الأبناء منين في مرة نقول اللي يضربك اضربه وفي مرة تانية نقوله يقول ربنا يسمحك

وبننسى ان طريقة تربية الوالدين بتأثر في سلوك الأبناء


السؤال هنا هل هتربي ابنك أو بنتك اللي يضربك تضربه ولا ربنا يسامحه اللي يضربك ؟

السؤال التاني كان ايه الطريقة اللي اتربيت عليها في المواقف اللي زي دي ؟



هو موضوع خفيف المرة دي لكن بيأثر بشكل كبير في تربية الأبناء